今日有個呀太入嚟見我。佢一家大細我都睇過。阿媽話大髀內側生咗粒野。我話做檢查嘅時候，佢攞手機出嚟，好似方太煮餸咁，話因為時間嘅關係，佢已經影咗張相俾我。我話既然你真人嚟到，不如就檢查真人啦好冇。佢覺得我好怪，點解佢影咗相俾我我都唔收貨。大佬，我鬼知張相係咪你咩。小心啲好。除非你張相可以影到大髀內側加埋影到你個樣。但係我諗唔到個Pose應該點擺先影到。
好啦檢查完。佢話想睇埋個胸，話有啲痛。問佢自己有冇摸過有冇粒野等等。佢話佢叫咗個仔幫佢摸。問題係佢個仔已經十幾歲。第二個問題係其實佢亦都有一個十幾歲嘅女。唔知係咪淨係我覺得呢件事好得意呢。我喺度幻想緊呀仔幫阿媽檢查時嘅情景。
～～～～
嗱，我本身想行過去買一個Mrs Fields cookie 咁多。呀收銀妹妹同我講買五送一，我無理由唔要架嘛，係咪？時間嘅關係，已經食咗一個。
Search